ದಕ್ಷಿಣ ಭಾರತದಲ್ಲಿ ಮಳೆ – ಪಂಚರಾಜ್ಯಗಳಲ್ಲಿ ಹೀಟ್‌ ಸ್ಟ್ರೋಕ್‌ʼಗೆ ನಲುಗಿದ ಜನತೆ

ಕರ್ನಾಟಕ ರಾಜ್ಯದ ವಿವಿದೆೆಡೆ ಬೇಸಿಗೆ ಮಳೆ ಬಂದಿರುವುದರಿಂದ ಸೆಕೆ ದೂರವಾಗಿ ವಾತಾವರಣ ಕೊಂಚ ತಂಪಾಗಿದೆ. ಆದರೆ ಉತ್ತರ ಭಾರತದ ಬಹುತೇಕ ಭಾಗಗಳಲ್ಲಿ ಬಿಸಿಲು ಹೆಚ್ಚಾಗಿದ್ದರ ಪರಿಣಾಮ ರಾಜಸ್ಥಾನದಲ್ಲಿ ಗುರುವಾರ ಒಂದೇ ದಿನ 12 ಸಾವು ವರದಿಯಾಗಿದ್ದಲ್ಲದೇ, ಭಾರತದಲ್ಲೇ ಅತ್ಯಧಿಕ 48.8 ಡಿಗ್ರಿ ಸೆಲ್ಸಿಯಸ್ ಉಷ್ಣಾಂಶ ದಾಖಲೆಯನ್ನು ಪಡೆದಿದೆ. ಏನಿದು ವರದಿ?

ಹೌದು! ರಾಜಸ್ಥಾನದಲ್ಲಿ ಹಗಲು ಹೊರಗೆ ಕಾಲಿಡುವಂತಿಲ್ಲ, ರಾತ್ರಿ ಮನೆಯೊಳಗೆ ನೆಮ್ಮದಿಯಲ್ಲಿ ಮಲಗುವಂತಿಲ್ಲ ಎಂಬ ಪರಿಸ್ಥಿತಿ ನಿರ್ಮಾಣವಾಗಿದೆ. ಹೀಟ್ ಸ್ಟ್ರೋಕ್ ರೀತಿಯ ರೋಗಲಕ್ಷಣಗಳಿಂದ ಜನರು ಅನಾರೋಗ್ಯಕ್ಕೆ ಒಳಗಾಗಿದ್ದರಿಂದ ರಾಜಸ್ಥಾನದಲ್ಲಿ ಈ ಸಾವುಗಳು ಸಂಭವಿಸಿದೆ ಎಂದು ಶಂಕಿಸಲಾಗಿದೆ. ಆದರೆ ಈವರೆಗೂ ಅಧಿಕಾರಿಗಳು ಇದಕ್ಕೆ ಯಾವುದೇ ರೀತಿಯ ಕಾರಣವನ್ನು ಸ್ಪಷ್ಟಪಡಿಸಿಲ್ಲ ಎಂಬುವುದು ಬೇಸರದ ಸಂಗತಿ.

ದೇಶದಲ್ಲಿ ದಾಖಲಾದ ಗರಿಷ್ಠ ಉಷ್ಣಾಂಶ

ರಾಜಸ್ಥಾನದಲ್ಲಿ ಗುರುವಾರ ಉಷ್ಣಾಂಶ 48.8 ಡಿಗ್ರಿ ತಲುಪಿತ್ತು. ಇದು ಈ ವರ್ಷ ದೇಶದಲ್ಲಿ ದಾಖಲಾದ ಗರಿಷ್ಠ ಉಷ್ಣಾಂಶವಾಗಿದ್ದು ಇದರ ಹೊಡೆತಕ್ಕೆ ಜಲೋರ್‌ ನಿಂದ ನಾಲ್ಕು ಸಾವುಗಳು ವರದಿಯಾಗಿದ್ದರೆ, ಬಾರ್ಮರ್‌ನಲ್ಲಿ ಇಬ್ಬರು ದೈನಂದಿನ ಕೂಲಿ ಕಾರ್ಮಿಕರು ಮೃತಪಟ್ಟಿದ್ದಾರೆ. ಅಲ್ವಾರ್, ಭಿಲ್ವಾರಾ, ಬಲೋತ್ರಾ ಮತ್ತು ಜೈಸಲ್ಮೇರ್‌ನಲ್ಲಿ ಹೀಟ್ ವೇಲ್ ಗಳು ಪ್ರಾಣಹಾನಿಗೂ ಕಾರಣವಾಗಿವೆ.

ರಾಜಸ್ಥಾನ ವಿಪತ್ತು ನಿರ್ವಹಣಾ ಮತ್ತು ಪರಿಹಾರ ಸಚಿವ ಕಿರೋರಿ ಮೀನಾ ಈ ವಿಚಾರವಾಗಿ ಸುದ್ದಿಗಾರರೊಂದಿಗೆ ಮಾತನಾಡಿ, ಎಲ್ಲ ಸಂತ್ರಸ್ತರಿಗೂ ಸರ್ಕಾರ ಪರಿಹಾರ ಪ್ಯಾಕೇಜ್ ವಿತರಿಸಲಾಗಿದ ಎಂದು ಮಾಹಿತಿ ನೀಡಿದ್ದಾರೆ. ಇದೇವೇಳೆ ಜಾಗತಿಕ ತಾಪಮಾನ ಹೆಚ್ಚಳದ ವಿಚಾರವಾಗಿ ಜನರು ಜಾಗರೂಕರಾಗಿ ಇರಬೇಕೆಂದು ಅವರು ಮನವಿ ಮಾಡಿದ್ದಾರೆ.

Rains in South India - People suffering from heat stroke in five states

ಪಂಚರಾಜ್ಯಗಳಲ್ಲಿ ರೆಡ್ ವಾರ್ನಿಂಗ್

ಭಾರತೀಯ ಹವಾಮಾನ ಇಲಾಖೆ(India Meteorological Department – IMD)ಯು ರಾಜಸ್ಥಾನ, ಹರ್ಯಾಣ, ಚಂಢೀಗಡ. ದಿಲ್ಲಿ ಮತ್ತು ಉತ್ತರ ಪ್ರದೇಶಗಳಲ್ಲಿ ರೆಡ್ ವಾರ್ನಿಂಗ್ ನೀಡಿದೆ. ಹೀಗಾಗಿ ಜನರು ಬಹಳ ಜಾಗರೂಕರಾಗಿರುವಂತೆ ಸಲಹೆ ನೀಡಿದೆ.

ಇದು ಎಲ್ಲಾ ವಯಸ್ಸಿನವರಿಗೂ ಉಷ್ಣ ಸಂಬಂಧಿತ ಕಾಯಿಲೆ ಮತ್ತು ಹೀಟ್ ಸ್ಟ್ರೋಕ್ ಗೆ ಕಾರಣವಾಗಬಹುದು. ಮುಂದಿನ ಮೂರು ದಿನಗಳಲ್ಲಿ ಉತ್ತರ ಪ್ರದೇಶ, ಪಂಜಾಬ್, ಹರಿಯಾಣ, ದೆಹಲಿ ಮತ್ತು ರಾಜಸ್ಥಾನಗಳಲ್ಲಿ ರಾತ್ರಿ ವೇಳೆ ಉರಿ ಸೆಕೆಯ ಶಾಖ-ಸಂಬಂಧಿತ ಒತ್ತಡವನ್ನು ಇನ್ನಷ್ಟು ಉಲ್ಬಣಗೊಳಿಸಬಹುದು ಎಂದು ಹವಾಮಾನ ಇಲಾಖೆ ಎಚ್ಚರಿಕೆ ನೀಡಿದೆ.

ಮತದಾನ ಪ್ರಕ್ರಿಯೆಗೆ ಹೊಡೆತ

ಲೋಕಸಭಾ ಚುನಾವಣೆಯು ದಕ್ಶಿಣ ಭಾರತದ ಬಹುತೇಕ ಕಡೆ ಮುಗಿದಿದ್ದು, ಉತ್ತರ ಭಾರತದಲ್ಲಿ ಇನ್ನೂ 2 ಹಂತದ ಮತದಾನ ಬಾಕಿ ಇದೆ. ಆದರೆ ಈಗಿನ ಬಿಸಿಲಿನ ವಾತಾವರಣ ಎಲ್ಲರನ್ನೂ ಹೈರಾಣಾಗಿಸಿದೆ.

ಭಾರತದ ವಿದ್ಯುತ್ ಬೇಡಿಕೆ ಯು ಹಿಂದೆ 234 ಗಿಗಾವ್ಯಾಟ್ ಗರಿಷ್ಠವಾಗಿತ್ತು. ಆದರೆ ಈಗ 237 ಗಿಗಾವ್ಯಾಟ್‌ಗಳಿಗೆ ಏರಿದೆ.

ಒಂದೆಡೆ ಬಿಸಿಲಿನಿಂದ ತತ್ತರಿಸುತ್ತಿದ್ದರೆ, ಹಲವೆಡೆ ಮಳೆಯಿಂದ ಜನ ಹೈರಣಾಗಿದ್ದಾರೆ:

ಅತ್ತ ಉತ್ತರ ಭಾರತವು ಬಿಸಿಗಾಳಿಗೆ ತತ್ತರಿಸುತ್ತಿದ್ದರೆ, ದಕ್ಷಿಣ ಭಾರತದ ಕರ್ನಾಟಕ, ಕೇರಳ ಮತ್ತು ತಮಿಳುನಾಡಿನಲ್ಲಿ ಕಳೆದ ಕೆಲವು ದಿನಗಳಿಂದ ಭಾರೀ ಮಳೆಯಾಗುತ್ತಿದೆ. ಈ ರಾಜ್ಯಗಳ ಕರಾವಳಿ, ಮಲೆನಾಡು ಪ್ರದೇಶಗಳೂ ಸೇರಿದಂತೆ ಹಲವು ಭಾಗಗಳಲ್ಲಿ ಶುಕ್ರವಾರವೂ ಉತ್ತಮ ಮಳೆಯಾಗಿದ್ದು ಜನಜೀವನ ಅಸ್ತವ್ಯಸ್ತಗೊಂಡಿದೆ. ಹಲವು ನಗರಗಳಲ್ಲಿ ತಗ್ಗು ಪ್ರದೇಶಗಳಲ್ಲಿ ನೀರು ನಿಂತಿದೆ.

You might also like
Leave A Reply

Your email address will not be published.