ಏರ್‌ ಇಂಡಿಯಾ ಸಮಸ್ಯೆಗೆ ಕೇಂದ್ರ ಸರ್ಕಾರ ಜವಾಬ್ದಾರಿಯಲ್ಲ : ರಿಟ್‌ ಅರ್ಜಿ ತಿರಸ್ಕರಿಸಿದ ಸುಪೀಂ ಕೋರ್ಟ್

ಏರ್‌ ಇಂಡಿಯಾ ಲಿಮಿಟೆಡ್‌ ಅನ್ನು ಸರಕಾರ ಖಾಸಗೀಕರಣ ಮಾಡಿರುವುದರಿಂದ ಸಂಸ್ಥೆಗೆ ಸಂಬಂಧಿಸಿದ ಯಾವುದೇ ವಿಚಾರದಲ್ಲಿ ಕೇಂದ್ರ ಸರಕಾರವನ್ನು ಬಾಧ್ಯಸ್ಥರಾಗಿಸಲು ಸಾಧ್ಯವಿಲ್ಲ ಎಂದು ಸುಪ್ರೀಂ ಕೋರ್ಟ್‌ ಗುರುವಾರ ಸ್ಪಷ್ಟಪಡಿಸಿದೆ.

ಸರಕಾರಿ ಸ್ವಾಮ್ಯದ ಏರ್‌ ಇಂಡಿಯಾ ಲಿಮಿಟೆಡ್‌ ಅನ್ನು ಟಾಟಾ ಗ್ರೂಪ್‌ 2022ರಲ್ಲಿ ವಹಿಸಿಕೊಂಡಿದೆ. ಬಂಡವಾಳ ಹಿಂತೆಗೆತದ ನಂತರ ಎಐಎಲ್‌ ಸರಕಾರದ ಸುಪರ್ದಿನಲ್ಲಿ ಇರುವುದಿಲ್ಲ. ಹೀಗಾಗಿ ಅದರ ಮೇಲೆ ಮೂಲಭೂತ ಹಕ್ಕುಗಳ ಉಲ್ಲಂಘನೆ ಆರೋಪ ಹೋರಿಸಲು ಆಗುವುದಿಲ್ಲ ಎಂದ ಸುಪ್ರೀಂ ಕೋರ್ಟ್ ಈ ಕುರಿತು ಬಾಂಬೆ ಹೈಕೋರ್ಟ್‌ ನೀಡಿದ ತೀರ್ಪನ್ನು ಸಹ ಎತ್ತಿ ಹಿಡಿದಿದೆ.

ರಿಟ್ ಅರ್ಜಿ ವಿಲೇವಾರಿ :

ವೇತನ ಸ್ಥಗಿತ, ಬಡ್ತಿಗೆ ಕತ್ತರಿ, ವೇತನ ಪರಿಷ್ಕರಣೆ ಪಾವತಿ ವಿಳಂಬ ಸೇರಿದಂತೆ ಹಲವು ಲೋಪಗಳನ್ನು ಪ್ರಶ್ನಿಸಿ ಏರ್‌ ಇಂಡಿಯಾದ ಕೆಲ ಉದ್ಯೋಗಿಗಳು ಸಲ್ಲಿಸಿದ್ದ ರಿಟ್‌ ಅರ್ಜಿಗಳನ್ನು ವಿಲೇವಾರಿ ಮಾಡಿದೆ. ಕಾನೂನಿನ ಮುಂದೆ ಎಲ್ಲರೂ ಸಮಾನರು ಎಂಬುದರ ಉಲ್ಲಂಘನೆ, ಸರಕಾರಿ ಉದ್ಯೋಗದಲ್ಲಿ ಅವಕಾಶಗಳ ಸಮಾನತೆಗೆ ತಿಲಾಂಜಲಿ, ವೈಯಕ್ತಿಕ ಸ್ವಾತಂತ್ರ್ಯ ಮತ್ತು ಜೀವನ ಭದ್ರತೆಗೆ ಧಕ್ಕೆಯಾಗಿದೆ ಎಂದು ಅರ್ಜಿದಾರರ ವಾದವನ್ನು ನ್ಯಾಯಮೂರ್ತಿ ಬಿ ಆರ್‌ ಗವಾಯಿ ಹಾಗೂ ಸಂದೀಪ್‌ ಮೆಹ್ತಾ ಅವರಿದ್ದ ದ್ವಿಸದಸ್ಯ ಪೀಠ ಮಾನ್ಯ ಮಾಡಲಿಲ್ಲ.

ಕೇಂದ್ರ ಸರಕಾರ ಟಾಟಾ ಸಮೂಹಕ್ಕೆ ಏರ್‌ ಇಂಡಿಯಾದ ತನ್ನ ಶೇಕಡಾ 100ರಷ್ಟು ಷೇರುಗಳನ್ನು ವರ್ಗಾಯಿಸಿದೆ. ಹೀಗಾಗಿ ಯಾವುದೇ ಆಡಳಿತಾತ್ಮಕ ನಿಯಂತ್ರಣವನ್ನು ಹೊಂದಿಲ್ಲ. ಹೀಗಾಗಿ ಅರ್ಜಿದಾರರ ಅಹವಾಲುಗಳಲ್ಲಿ ಪರಿಗಣಿಸಲು ಆಗುವುದಿಲ್ಲ ಎಂದು ಹೇಳಿದೆ.

ರಿಟ್‌ ಅರ್ಜಿಗಳನ್ನು ಸಲ್ಲಿಸುವಾಗ ಎಐಎಲ್‌ ಇನ್ನೂ ಸರಕಾರದ ವಶದಲ್ಲಿತ್ತು, ಆದರೆ ಈ ಪ್ರಕರಣ ಇತ್ಯರ್ಥದಲ್ಲಿ ಭಾರಿ ವಿಳಂಬವಾಯಿತು. ಈ ವೇಳೆಯಲ್ಲಿ ಬಂಡವಾಳ ವಾಪಸಾತಿ ನಂತರ ಕಂಪನಿಯನ್ನು ಖಾಸಗಿಯವರ ವಶಕ್ಕೆ ನೀಡಲಾಯಿತು.

ಸರಕಾರ ನಿರ್ವಹಿಸುವ ಯಾವುದೇ ಸಾರ್ವಜನಿಕ ಕಾರ್ಯಗಳನ್ನು ಖಾಸಗಿಯವರು ಕೂಡ ಮಾಡುವುದು ಅವರ ಮೂಲ ಸ್ವಭಾವವಲ್ಲ. ಈ ಪ್ರಕರಣಕ್ಕೆ ಮೇಲ್ಮನವಿದಾರರು ಹೊಂದುವುದಿಲ್ಲ ಎಂದು ಹೇಳಲಾಗುವುದಿಲ್ಲ. ಹೀಗಾಗಿ ಅರ್ಜಿದಾರರು ಸೂಕ್ತ ವೇದಿಕೆಯ ಮೊರೆ ಹೋಗಿ ತಮ್ಮ ಸಮಸ್ಯೆಗಳನ್ನು ಬಗೆಹರಿಸಿಕೊಳ್ಳಬಹುದು ಎಂದು ನ್ಯಾಯಪೀಠ ಸಲಹೆ ನೀಡಿತು.

You might also like
Leave A Reply

Your email address will not be published.